Resumen del Libro
Qui quiera conoixer a fabla a o norte de Moncayo en os zaguers 60 anyos tiene aquí una descripción d’a fonetica, morfosintaxi, lexico, toponimia y antroponimia pa especialistas y pa qui no’n ye. O lego en lingüistica podrá acercar-se a l’aragonés, historia y lengua, y si ye moncaíno retrobar-se con a identidat cultural d’o país. L’especialista podrá completar a envista d’a historia d’a lengua aragonesa a traviés d’os elementos residuals. Esto nos ha feito sacrificar bellas vegadas a facilidat que necesita o lego, d’atras os tecnicismos propios d’un treballo lingüistico, pero esperamos que aconsiga os dos obchectivos, sin aburrir ni fastiar a denguno. O treballo no ye estau nomás de l’autor, i son tamién as aportacions directas u indirectas de muita chent que ha alzau a nuestra identidat cultural. Que con a lectura d’esta obra moncaínos y aragoneses se reconcilien con a suya cultura y a suya lengua, y que l’aragonés amillore a suya salut que tanto ha engriviau en os zaguers sieglos, aduyando a los aragoneses a conservar y recuperar, talment una miquinina, a lengua aragonesa, tamién dende Moncayo.
