Autor: Quino Villa Bruned
Un beliquet no te ye atra cosa que un regalo chiquet y bien paixiu; ¿y qué atra cosa ye la poesía soque esclacás de pena, ixarpás de gozo, fusás de deleria, mosiqueta a pirol de silencios? ¿Y es espurnallos? Pos no te son soque uns cachetz de cagüernos encendius que blincan, fendo serol arrienda, de las berras, asclas y toruellos endormisquiaus en el caminal, entremistanto la flamera les ye cremando el morro dende el fogaril; nian cal escarbotar-los con las estenallas, que el mesmo foc fa endemoniare es espurnallos, y quasi siempre recuten a las saltas fendo blincare purnas.
En esta arlada de 118 poemas, en 12 capitols, se i troban achacillando una trabina de beliquetz y espurnallos, que son asperando que el lector es deshore.
