Autor: José María Satué Sanromán
En este libro, José María Satué nos regala una colección de cuentez protagonizaus per animalez, que viene a enriquir la literatura infantil en esta luenga nuestra. Lo texto se divide en dos partes. La primera parte, ye titulada “O reino d’as rabosas”. Baixo este títol, con que José María fa referencia a lo paisache d’a suya infancia, vintiún relatos dibuixan la vida d’un rabosero que l’autor sitúa en o Barrancón de Francia, en o suyo Escartín natal. Las protagonistas son las rabosas, pero tamién se i asoman cans, gatos, cuervos, vueitres, gallinas, conellos, corderez y humanos. Las rabosas, con nombres como Mandamás, Tofalluda, Coixa, Roya, Mallada u Fendida, tienen diferents papers en o rabosero y lo suyo carácter mescla las caracteristicas que se gosa atribuyir a las rabosas chunto con atros atributos humanos. En a segunda parte, “Pinpín, o picapins”, podemos leyer las peripecias d’una familia de picapins y la comunidat d’animals d’o fabar an viven, que s’aduyan mutuament cuan i hai dificultaz, periglos u necesidaz.
