Autor: Fernando Romanos Hernando
Gernika estió a primera ciudat d’a historia que estió emplegada como campo de prebas d’un bombardeo masivo d’aviación sobre población civil. Alas de papel, Gernika 1937, ye una novela curta que trata de revivir en a persona de un zagalón chovenardo lo que estió o sufrimiento d’o bombardeo drento d’a bastida d’o que yera a vida escolar, de relacions humanas y familiars, a vida social y cultural d’a villa de Gernika en ixes diyas.
Sobre un contexto historico decumentau, tanto en os detalles militars, socials, historicos l’autor ha feito una tiradaina de presonaches de culicaiga, entrefilaus en un leito de vivencias aportadas por familiars suyos que vivión a postguerra y vivencias presonals d’a infancia ta fer-los vivir en ixe momento historico con todas as suyas ilusions, aficions, entusiasmos, pasions, tarranturas, aproveitando ta reflexar a vida cultural y social de Gernika en aquels tiempos y os pensamientos y reflexions d’as presonas que sin pensar en a guerra como tal la teneban tan cerca y tan leixos de vez.
