Resumen del Libro
Quarenta traqueteyos d’esperanza ye una tremenera de cancions y de poemas fetos en chistabín, que ye la variedat d’aragonés en la Val de Chistau. Totz es poemas replegan la letra de la canción y la suya partitura mosical, fendo vez ta qui le fa goy la poesía y tamién a qui le fa goy la mosica y se i fa un poquet ta tanyer las cantas.
Las letras parlan de la val de Chistau, d’es chistabins y es costumbres d’antes más, de la nieu y l’airera, de la casa y de la familia que fa cuentos alredor d’el fogaril.
Este poemario mosical que tiens en las tuyas mans ye una colección de suenios plens d’esperanza ta que el chistabín contine tanganiando en la val, en es corazons d’es chistabins y en totz es que el gosen amar.
