Resumen del Libro
Este diccionario ye una obra pensada pa poder usar l’aragonés de forma correcta y precisa. L’aragonés ye una lengua que d’antes mas se charró en quasi tot o territorio d’Aragón, hue ye viva nomás en qualques municipios de o norte d’Aragón. Y encara que ye funindo-se a poquet y por cada día queda menos charradors, tamién bi ha personas y entidatz que la fan reviscolar y empuixan con langaria por fer-la vivir y dignificar-la. Esta obra quiere aduyar a ixa dignificación y recuperación de l’aragonés. O diccionario parte d’una base de 17.500 rechistros que van ordenaus en lemas que incluyen totz os rechistros vinculaus con a entrada. En a parte aragonés-castellano bi ha 12.600 lemas y en a parte castellano-aragonés ne b’ha 10.300. Totz os lemas u entradas tienen a suya categoría gramatical y se i incluyen as accepcions y sentius figuraus en cada lengua. Tamién gosa incluir-ie bell eixemplo pa aclarir usos en que calga fer-lo y breus anotacions gramaticals, asinas como a fraseolochía y frases feitas d’un nivel basico. Ye una ferramienta imprescindible pa aprender l’aragonés y pa usar-lo con polideza y precisión.
